Төмөр замын дээд сургуулийн техникийн зурагзүй, CAD/ CAE технологийн лаборатори

Хичээлийн 2-р байрны 224-р ангийн 20 ширхэг компьютер дээр Техникийн зурагзүй, CAD /ED203/; CAD технологи /ED202/; CAE  технологи /CE301/ хичээлүүдийг судалдаг. Техник механикийн чиглэлээр мэргэжил эзэмшиж буй оюутанд зайлшгүй байх ур чадваруудын нэг програм хангамж ашиглан хийцийг төслөх, бат бэхийн тооцоо хийх,  хийцийн найдвартай ажиллагаа зэргийг гүйцэтгэнэ.Үүнд:

• Суралцагчдын мэргэжлийн гадаад хэлний чадварт ахиц гарах бөгөөд бусад зургийн программыг бие дааж судлах суурь мэдлэг эзэмшиж байна.
• Техникийн зурагзүй, CAD хичээлээр эзэмших чадварууд:

• Деталийн төвөгтэй  элемент хэсгүүдийг загварчлах
• Хийцийн 3D загвараас проекц дүрслэл болон,ажлын зураг гүйцэтгэх
• Эд ангиудын дотоод бүтцийн судалгааг зүсэлт,огтлол хийж гүйцэтгэх мөн зүсэлтэд өртсөн талбайн хэмжээг тооцоолон гаргах
• Механик хийцийг төслөх
• Деталь эд ангиудыг программ дээр угсрах хийцийг төслөх.

• Техникийн механикийн хичээлээр эзэмших чадварууд:

а. Хатуу биеийн механик

Хийцийн хүчдэлт төлвийн онол /Морийн дугуй байгуулах, гол хавтгайн байрлалууд  тодорхойлох, налуу хавтгайн хүчдэлийг Solidworks программ ашиглан тооцоох/

• Хийцийн дотоод хүч, хэв гажилт тодорхойлох
• Материалын Пуассоны коэффицент тодорхойлох
• Дурын материалын хөндлөн огтлол, материалыг программд оруулж тооцоо судалгаа гүйцэтгэх

б. Кинематик болон динамикийн тооцоо хийх

• Цэгийн хурд, хурдатгал, траектори тодорхойлох

Зургаан мөчит кулист механизмын дурын мөч дээрх цэгийн хурд, хурдатгал  тодорхойлж үр дүнг  тоон утгаар авах /хавтгайн механизм/

Цэгийн болон хатуу биеийн динамик тооцоог гүйцэтгэх гэх мэт чадваруудыг эзэмшиж байна.

Чадварлаг инженер, боловсон хүчин бэлтгэснээрээ үйлдвэрлэлт, бүтээн байгуулалтад тодорхой хэмжээний хувь нэмэр оруулах зорилготой лаборатори юм.