НОМЫН САНГИЙН ТОВЧ ТАНИЛЦУУЛГА

ТЗДС-ийн номын сан нь профессор багш, ажилтан, оюутан суралцагчид, салбарын мэргэжилтнүүдийн сургалт, судалгаа, эрдэм шинжилгээний ажил гүйцэтгэхэд нэн хэрэгцээтэй ном сурах бичиг, хэвлэмэл болон цахим мэдээлэл, тогтмол хэвлэлээр хангах үүрэг бүхий үйлчилгээний нэгж юм.

Номын сангийн зорилго нь олон нийтэд номын сангийн үйлчилгээг жигд, хүртээмжтэй, шуурхай хүргэх, уншигчдын эрэлт хэрэгцээнд нийцсэн үйлчилгээний олон төрөл, хэлбэрийг бий болгоход оршино.

Номын сан анх 1955-1956 оны хичээлийн жилд байгуулагдсан. 2000 оноос номын фондод байгаа  ном, сурах бичгийг  Дьюгийн аравтын ангилалаар ангилах ажлыг эхлүүлсэн. 2010 оноос  БСШУСайдын 441-р тушаалын дагуу номын  нэгбүрчилсэн бүртгэлийг шинэчилсэн. 2018 онд номын  санг өргөтгөх их засварын ажлыг хийж талбайн хэмжээг хоёр дахин нэмэгдүүлж, ойрын фонд 67м², үндсэн фонд 75м², уншлагын танхим 220 м², нийт 452 м²  талбайтай. Хичээлийн төв байранд 120, оюутны дотуур байранд 30 суудалтай уншлагын танхимтай.

ТЗДС-ийн номын сангийн сан хөмрөгт нийт 8000 гаруй төрлийн 44 мянга гаруй сургалт, судалгаа, эрдэм шинжилгээний ажил гүйцэтгэхэд нэн хэрэгцээтэй ном сурах бичиг, хэвлэмэл болон цахим мэдээлэл, тогтмол хэвлэлийн материал байршиж байна.

• Цахим номын санд нэвтрэх